Er komt zowaar een Willy Lustenhouwerplein in Brugge ‘oltied schoane!’
Willy Lustenhouwer begost mè muziek in ’t orkest van den Bruggelink Xavier Geerolf. Achter een tydetjie klaptege tie ook de liedjies an mallekoar. Je begostie zelve sketchen en liedjestekstn te schryvn.
In ’t begun van de joaren ’50 kreeg tie by Radio Kortryk e program “Lachen es gezoend” en maktege tie z’n êerste ploatn. Iederêen kent nu nog z’n liedje: Zie je van Brugge. Van ton of schreef tie ol z’n liedjes in ’t Brugs en vo de noten werktege tie t’hope mè den accordeonspeler Roger Danneels.
In de joaren ’60 stapte Willy over no de BRT en presenteirde toet in 1973 populaire programs lik Eén tegen allen, Waag je kans en Spel zonder grenzen. Ie speeldege ook de rolle van Lapouter in de serie De Vorstinnen van Brugge in 1972.
Ip zeker ogenblik begost ie me ’n reisbureau en ton moest ie stoppn mè iptreedns en televisie.
Ip ’t moment dat ie peisdege vo te stoppen, wildeg ie nog ene keer e oneman show maken. Deur ’t grôot succes zyn d’er nog 9 achter gekommn.
Willy Lustenhouwer was verliefd ip ’t Brugs. Je wildege zelfs een Brugs wôordenboek maken, want j’ad ol duzende woorden en gezegden ipgeschreevn. Spytig genoeg is dat er nôoit van gekommn. Toch nie van em, want da Brugsch Woordenboek is loater toch toet stand gekommn.
Begin 2019 werd in Brugge een Facebook-petitie georganiseerd met de vraag om aan Willy Lustenhouwer (Tv-presentator en conferencier, 1920-1994) een straatnaam te wijden. De stedelijke Commissie voor Toponymie en Straatnamen had daar oren naar en toen in het sociaal bouwproject van Vivendo op de site van het voormalig militair hospitaal aan de Peterseliestraat een nieuw plein werd gecreëerd, adviseerde deze commissie om hiervoor de naam Willy Lustenhouwerplein te gebruiken. Op 28 april 2020 keurde de gemeenteraad van Brugge het voorstel voor deze straatnaam definitief goed. Komende woensdag wordt het plein op de site van het voormalig militair hospitaal aan de Peterseliestraat officieel ingehuldigd samen met de dochter van Willy Lustenhouwer, initiatiefnemer Koen De Brabander, burgemeester Dirk De fauw en schepen van Cultuur Nico Blontrock.